“Монгол тэмээ-999” Гиннесийн дээд амжилтыг шинэчлэн тогтоох тэмээний уралдаанд гараанаас 1115 тэмээ гарч уралдан 1108 тэмээ барианд амжилттай орж Дэлхийн дээд амжилтыг шинэчлэн тогтоолоо. Тэмээний уралдааны 1-р байранд Өмнөговь аймгийн Хүрмэн сумын Жанжин багийн Баянжаргал, 2-р байранд Хүрмэн сумын Жанжин багийн Батчулуун, 3-р байранд Цогт-овоо сумын С.Эрдэнэ, 4-р байранд Цогт-овоо сумын Д.Алдарсайхан, 5-р байранд Хүрмэн сумын Жанжин багийн Т.Дашнамжил нарын тэмээ хурдаллаа. Мөн энэ арга хэмжээний үеэр Ханхонгор сумын Өгөөмөр багийн тэмээчин Эрдэнэ-Амгалангийн ингэ ботголж өлзий дэмбэрэлтэй сайхан үйл явдал боллоо.
