ХҮНС, ХӨДӨӨ АЖ АХУЙ, ХӨНГӨН ҮЙЛДВЭРИЙН САЙД АЙМГИЙН ЗАСАГ ДАРГА НАРТАЙ ХАМТРАН АЖИЛЛАХ ГЭРЭЭГ БАЙГУУЛЛАА

Засгийн газрын Хэрэг эрхлэх газраас аймаг, нийслэлийн ИТХ-ын дарга, Засаг дарга нарын нэгдсэн уулзалт, семинарыг 3 дугаар сарын 11, 12-ны өдөр зохион байгуулж байна.

Монгол Улсын Засгийн газрын 2020-2024 оны үйл ажиллагааны хөтөлбөр, Монгол Улсыг 2021-2025 онд хөгжүүлэх үндсэн чиглэл, Монгол Улсын хөгжлийн жилийн төлөвлөгөө, Монгол Улсын 2021 оны Төсвийн тухай хуулийг хэрэгжүүлэхэд яам болон аймаг, нийслэлийн Иргэдийн төлөөлөгчдийн хурал, Засаг даргын баримталж ажиллах чиглэлийн талаар нэгдсэн ойлголт өгөх зорилготой тус уулзалтын үеэр сайд З.Мэндсайхан салбарын өнөөгийн байдал, цаашид анхаарах асуудлаар мэдээлэл өгч, оролцлоо.

Салбарын бүтээгдэхүүн, үйлдвэрлэл тогтвортой өсөж байна

Хүнс, хөдөө аж ахуй, хөнгөн үйлдвэрлэлийн салбарын бүтээгдэхүүн үйлдвэрлэл тогтвортой өсөж 2020 онд дотоодын нийт бүтээгдэхүүн үйлдвэрлэлд 29.1 хувь, экспортын нийт орлогын 8.2 хувийг бүрдүүлсэн болохыг дурдаад цаашид

1. Зах зээлийн сүлжээг бий болгох, эдийн засгийн эргэлтийг нэмэгдүүлэх, хөдөө аж ахуйн бүтээгдэхүүний аюулгүй байдлыг хангах;

2. Гол нэрийн хүнсний бүтээгдэхүүнийг дотоодын үйлдвэрлэлээр 100 хувь хангах;

3. Алдагдаж буй боломжийг ашиглан экспортыг нэмэгдүүлэх зэрэг дунд хугацааны зорилтуудад төвлөрөн ажиллаж байгаагаа танилцуулсан юм.

Мөн нэгдсэн уулзалтын үеэр Засгийн газрын гишүүд болон орон нутгийн удирдлагууд 2021 онд хамтран ажиллах гэрээнд гарын үсэг зурлаа.

Холбоотой мэдээнүүд

Авлигатай тэмцэх үндэсни й хөтөлбөрийг хэрэгжүүлэх ажлын хүрээнд байгууллагын албан хаагчдаас ашиг сонирхолын зөрчилгүй ажиллах мэдэгдэл гаргуулсан.

Авлигын эсрэг хуулийн сургалт болон АХА тэмцээнийг байгууллагын хэмжээнд зохион байгууллаа

110